Hizki-mizki aldizkaria

3. DBHko Prentsa tailerreko ikasleen aldizkaria

Ipuin lehiaketa

2013ko zuhaitzaren eta uraren egunaren inguruan antolatutako ipuin lehiaketan, ilustrazio bat  izan da aurtengoan ipuina sortzeko aitzakia.

Urritxeko 3.-4. DBHko ikasleek hartu dute parte eta horietako bi irabazleak izan dira:

"Gure planeta laguntza eske", Ane Romero

"Kaio begiralea",  Aitor Alonso

Lehenengo hiru onenek e-book bana jaso dute

ZORIONAK !!

"Bertsolari" filma

Gaur 4. DBHko ikasle-irakasleok  "Bertsolari" filma ikusi dugu. "Euskara Zine Aretoetara"  proiektuaren laguntzaz.

Bertsolariak euskaraz abestutako bat-bateko bertsoak sortzen ditu. Ahozko tradizio hau denborarekin aldatu eta garaietara egokitu da. Hala, belaunaldi gazteenekin ere konektatu du, eta azken txapelketan 14.000 ikusle zituen. Estetika soileko artea izan arren, oraindik ere harrigarria gertatzen da gauza ikusgarriz eta efektu bereziz betetako garai honetan.

BERTSOLARI bidaia bat da bat-bateko poesian, isiltasunean eta arte biluzian barrena.


Gioia eta zuzendaritza: ASIER ALTUNA

Korrika 18 Zornotzako kaleetan

Urritxe Institutuko partaideek Ogenbarrenan  hartu dute lekukoa eguerdiko ordu bietan. Itziar Irakulisek eta Beñat Martinek eman diete Jose Luis Larreari eta Gorkari. Urritxe Institutuari adierazitako bidea egin ondoren Udabarri dantza taldeari eman diote lekukoa.  Aurtengo Korrika azken urteetako jendetsuena izan da eta  jende gazte ugari ikusi dugu Zornotzako kaleetan. Zorionak parte hartzaile guztiei!

Katixa Agirre idazlearekin solasean

Katixa Agirre arabarrak  Amaia Lapitz eta erregina gorriaren hilobia (Elkar) idatzi du. Gazteei zuzendutako “Amaia Lapitz”  bildumaren lehen alea da eta hilabete bat barru bigarrena argitaratuko duela esan digu Katixak. Bigarren alearen kokalekua Tunisia izango da eta Amaiak izandakoak kontatuko dizkigu idazle gasteiztarrak.

Lehen ale honetan, Amaiak, protagonistak, bere amarekin Mexikora egiten duen bidaian izandako gora beherak kontatzen dizkigu Katixak. Gogoan izan,  idazlea ere Mexikon egon zela eta han bildutako datuez baliatzen dela eleberria eratzeko. Gazteen galderak entzun ondoren,  nabaria izan da gustura irakurri dutela DBHko 2. mailako ikasleek eta horrela adierazi diote Katixari. Bigarren alea ere irakurtzeko prest azaldu dira ikasleak.

Idazteaz gain, bidaiatzea ere gustuko  du Katixa Agirrek (Gasteiz, 1981). Lagun batekin Mexikora egin zuen bidaian hasi zen pentsatzen eleberriaz. Datuak bildu zituen eta behin etxean, bildutakoari itxura eman zion eleberri batean.Eleberrian zehar  Amaia, protagonista gaztea, bai maien kulturan, bai zapatisten inguruan murgiltzen joango da eta abenturaz eta intrigaz betetako nobela eratuko du idazle gazteak.

Laster izango dugu “Amaia Lapitz” bildumaren bigarren alea eta guztiok espero dugu lehen alearen besteko arrakasta izatea. Zorionak Katixa, zure lanagatik!

Miren Agur Meabe idazlea Urritxen

3. DBHko ikasleek Miren Agur Meaberen  hitzaldia  entzuteko aukera izan dute. Hizlari trebea da idazlea, eta inork baino hobeto adierazten ditu barne sentimenduak. Itsaslabarreko etxea (Aizkorri, 2001) eleberria irakurri ondoren Miren Agurri galderak egiteko aukera ezin hobea izan dute gazteek.  Idazle lekeitiarrak kontatu digu nola etorri zitzaion inspirazioa:  15-16 urte zituela idatzitako narrazio laburrak aurkitu zituen garbi-ikuzia egiten zebilela eta hori izan zen nobelaren hasiera.

Joana da nobelaren protagonista, eta Alain bere nobioa. Joanak ez du inoiz ahaztuko hamasei urte zitueneko uda, amodioa ezagutu zuelako.  Eta uda berean,  Garraitzetako  itsas labarrean, etxea aurkitu zuen:  etxe misteriotsua, jakin-mina pizten duen horietakoa.  Horren inguruan eraiki digu Miren Agur Meabek eleberria, eta 2002. urtean Euskadi Saria lortu zuen nobela horri esker.

Hizki-mizki aldizkaria

Labetik atera berria,   Prentsa tailerreko 3. DBHko ikasleen aldizkaria: